Блумберг: „Колонијал пајплајн“ плати скоро пет милиони долари откуп на хакерите
- Компанијата плати огромен откуп во крипто валута што не може да се открие, само неколку часа по нападот, нагласувајќи го огромниот притисок со кој се соочува операторот со седиште во Џорџија
![Блумберг: „Колонијал пајплајн“ плати скоро пет милиони долари откуп на хакерите](https://new.mia.mk/index.php/images/20221107034328_big_730x400_51.webp )
Вашингтон, 13 мај 2021 (МИА) - Компанијата „Колонијал пајплајн“ минатата недела им исплати речиси пет милиони долари откуп на источноевропските хакери. Ова е во спротивност со извештаите објавени претходно оваа недела дека компанијата не планира да плаќа на изнудувачи за да помогне во обновата на најголемиот гасовод во земјата, објави Блумберг.
Компанијата плати огромен откуп во крипто валута што не може да се открие, само неколку часа по нападот, нагласувајќи го огромниот притисок со кој се соочува операторот со седиште во Џорџија да ги снабдува со гориво поголемите градови на источниот брег, соопшти агенцијата. Според друго лице запознато со ситуацијата, службениците во американската администрација биле свесни дека Колонијал ја извршил исплатата.
Откако добиле откуп, хакерите му доставиле на операторот клуч за дешифрирање за да ја вратат деактивираната компјутерска мрежа.
И портпаролот на Колонијал и портпаролот на Советот за национална безбедност одбија да дадат коментар, соопшти Блумберг.
Хакерите, за кои ФБИ вели дека се поврзани со група наречена DarkSide, се специјализирани за дигитална уцена и се верува дека се наоѓаат во Русија или Источна Европа. ссм/