Вашингтон, 19 мај 2023 (МИА) – Американскиот државен секретар Антони Блинкен ќе ја посети Папуа Нова Гвинеја на 21 и 22 мај, при што ќе потпише билатерални договори за одбрана и поморска безбедност и ќе има средба со лидерите на Форумот на Пацифичките Острови, соопшти Стејт департментот.

Блинкен ќе ја посети Папуа Нова Гвинеја откако претседателот Џо Бајден ја откажа планираната посета на 16 мај поради кризата за висината на американскиот долг.

САД се обидуваат да го балансираат зголеменото влијание на Кина во индо-пацифичкиот регион.

- Блинкен планира да разговара за низа прашања со лидерите на островот Пацифик, вклучително и заеднички приоритети како што се решавање на климатската криза и унапредување на инклузивен економски раст за луѓето од Пацифичкиот остров, се наведува во соопштението на Стејт департментот. ми/

фото: ЕПА