Битиќи на состанок со Мелсом: Северна Македонија е вистинска дестинација за норвешките инвеститори
- Директорката на норвешкото Министерство за надворешни работи задолжена за Југоисточна Европа, Кристин Мелсом на работниот состанок со вицепремиерот задолжен за економски прашања, координација
![Битиќи на состанок со Мелсом: Северна Македонија е вистинска дестинација за норвешките инвеститори](https://new.mia.mk/index.php/images/20221113142517_big_730x400_13.webp )
Скопје, 25 мај 2022 (МИА) - Директорката на норвешкото Министерство за надворешни работи задолжена за Југоисточна Европа, Кристин Мелсом на работниот состанок со вицепремиерот задолжен за економски прашања, координација со економските ресори и инвестиции, Фатмир Битиќи упатила отворена покана за бизнис средба со потенцијални инвеститори и партнери во Норвешка со цел продлабочување на соработката и развој на Северна Македонија.
![Фатмир Битиќи](/articles/images/%d0%b1%d0%b8%d1%82%d0%b8%d1%9c%d0%b8-%d0%bd%d0%b0-%d1%81%d0%be%d1%81%d/VjbiQw7K4/placeholder.webp?use_watermark=0)
На состанокот, како што соопшти владината прес-служба, биле присутни и Томас Холм Кнудсен, директор на инвестицискиот фонд на Норвешка, како и Бесим Зекири претседател на управниот одбор на норвешката компанија „Нормак“, Аки Етеми, претседател на управниот одбор на „Нормак инвестмент груп“ и директорот на ТИРЗ-Тетово, Александар Зарков.
![Битиќи - Мелсом](/articles/images/%d0%b1%d0%b8%d1%82%d0%b8%d1%9c%d0%b8-%d0%bd%d0%b0-%d1%81%d0%be%d1%81%d/XINSS1Yc8/placeholder.webp?use_watermark=0)
-ТИРЗ-Тетово е првата индустриска зона со јавно приватно партнерство која успешно работи во земјава и на состанокот беше искажано задоволство за успешната соработка во овие години, се наведува во соопштението.
Вицепремиерот Битиќи истакнал дека партнерскиот однос ќе продолжи и во иднина, заедно надминувајќи ги сите предизвици кои можеби доаѓаат посочувајќи ја отвореноста за сите заинтересирани инвеститори кои сакаат да инвестираат во земјава. дма/лв/