Бислимоски: Неопходно е рационално трошење на енергенсите
- Грејната сезона започна согласно правилата за снабдување и мрежните правила за 60 илјади потрошувачи, додека снабдувањето со електрична енергија за 611 илјади домаќинства во изминатиот период
![Бислимоски: Неопходно е рационално трошење на енергенсите](https://new.mia.mk/index.php/images/20221114011643_big_730x400_29.webp )
Скопје, 21 октомври 2022 (МИА) - Грејната сезона започна согласно правилата за снабдување и мрежните правила за 60 илјади потрошувачи, додека снабдувањето со електрична енергија за 611 илјади домаќинства во изминатиот период е стабилно, но и покрај тоа неопходно е рационално трошење на енергенсите, посочи претседателот на Регулаторната комисија за енергетика и водни услуги (РКЕ) Марко Бислимоски, на редовниот месечен координативен состанок со енергетските компании.
Тој нагласи дека енергетската состојбата во Европа е комплексна, секоја држава ги моделира решенијата врз основа на солидарност – помагање едни со други и рационално трошење на електричната енергија.
-На состанокот разговаравме за трите постулати врз основа на кои се менаџира состојбата: остварување на планираното зголемено производство за електрична енергија што подразбира 100-отстотно покривање на потребите за домаќинствата и малите потрошувачи, како и вишок енергија што ќе биде насочена кон стопанството. Паралелно, на состанокот се оцени како позитивна таргетираната помош за ранливите категории – иницијатива на РКЕ и препорака на Енергетската заедница. Координираните системски мерки ќе помогнат да се амортизира состојбата и да им се помогне на оние кои што им е најпотребно. Допрва доаѓаат месеци во кои температурата ќе биде пониска, затоа е неопходно рационално трошење на сите енергенси, изјави Бислимоски.
На состанокот беа присутни претставници од енергетските компании ЕСМ, МЕПСО, ЕВН Хоум, Електродистрибуција и МЕМО.вј/лв/
![Состанок РКЕ](/articles/images/%d0%b1%d0%b8%d1%81%d0%bb%d0%b8%d0%bc%d0%be%d1%81%d0%ba%d0%b8-%d0%bd%d0/M8Bw4TsNp/placeholder.webp?use_watermark=0)