Бесплатна тура за крводарители во Музејот на современа уметност во Стразбур
- Дарувањето крв беше организирано во импозантната зграда на Музејот, каде што посетителите чекаа во ред со засукани ракави, очекувајќи ја и турата. Веднаш по дарувањето, посетителите прво доби
![Бесплатна тура за крводарители во Музејот на современа уметност во Стразбур](https://new.mia.mk/index.php/images/20221107014252_big_730x400_58.webp )
Стразбур, 14 април 2021 (МИА) - Музејот на модерна и современа уметност во Стразбур во источна Франција ги отвори на еден ден вратите, бесплатно, за посетители кои претходно се согласиле и даруваа крв. Оваа акција привлече одреден број крводарители кои ја сакаат и уметноста, како редок подарок во епидемијава на коронавирус.
Дарувањето крв беше организирано во импозантната зграда на Музејот, каде што посетителите чекаа во ред со засукани ракави, очекувајќи ја и турата. Веднаш по дарувањето, посетителите прво добија нешто да каснат и да се напијат, а потоа уживаа во делата на Густав Доре, Клод Моне и Пол Сињак.
Ова беше исто така добра вест за Институтот за трансфузиологија во Франција, и за пациентите.
Музеј во Дижон неодамна организираше слична акција, која наиде на добар одѕив, бидејќи музеите, театрите и кината се затворени од минатата есен поради епидемијата. си/