Берни Сандерс го повика Конгресот да го блокира пакетот воена помош за Израел
- „Доста е. Даночните обврзници на САД повеќе не смеат да бидат соучесници во уништувањето на животите на невините мажи, жени и деца во Газа“, напиша Сандерс, пренесен од „Тајмс оф Израел“
![Берни Сандерс го повика Конгресот да го блокира пакетот воена помош за Израел](https://new.mia.mk/index.php/images/20240103084847_big_730x400_75.webp )
Вашингтон, 3 јануари 2024 (МИА) - Влијателниот американски сенатор Берни Сандерс го повтори својот повик до Конгресот да ја блокира предложената воена помош од повеќе милијарди долари за Израел и ја осуди израелската воена кампања во Појасот Газа како „незаконска, неморална, брутална и крајно непропорционална војна на Нетанјаху против палестинскиот народ“.
Сандерс, прогресивен еврејски пратеник од сојузната држава Вермонт, во објава на платформата Х кажа дека војната во Појасот Газа беше предизвикана од „варварскиот напад“ на Хамас, но оцени дека одговорот на Израел е „грубо непропорционален, неморален и спротивен на меѓународното право“.
„Доста е. Даночните обврзници на САД повеќе не смеат да бидат соучесници во уништувањето на животите на невините мажи, жени и деца во Газа“, напиша Сандерс, пренесен од „Тајмс оф Израел“.сд/
фото:МИА архива