Бекатон плочи за повеќе улици во општина Кисела Вода
- Општина Кисела Вода денеска соопшти дека се одвива акција за поплочување на улиците со павер елементи на територија на цела општина.
![Бекатон плочи за повеќе улици во општина Кисела Вода](https://new.mia.mk/index.php/images/20221113182033_big_730x400_14.webp )
Скопје, 18 јули 2022 (МИА) - Општина Кисела Вода денеска соопшти дека се одвива акција за поплочување на улиците со павер елементи на територија на цела општина.
Во моментов се поплочуваат улици низ урбaната заедница Пинтија на површина од околу 1500 квадратни метри. Се работи на четири улици на кракот 18 од улицата „Саса“. Со градежни активности се опфатени и неколку улици во населбата и во селото Драчево, на површина од околу 500 квадратни метри.
Во изминатите две седмици со бекатон се поплочува кракот на улицата „Киро Фетак“, а до крајот на оваа недела ќе биде завршено поплочувањето и на кракот на улицата „Солунска Глава“.
-Градежните активности за подобрување на естетиката, но и функционалноста на улиците не само во овие, туку и во другите месни и урбани заедници, ќе продоли со несмалена динамика и во наредниот период, се наведува во соопштението од општина Кисела Вода. мд/цр