Бајден ја обезбеди номинацијата, на повидок е нова борба против Трамп
- Американскиот претседател Џо Бајден во вторникот освои доволно делегати за да ја обезбеди номинацијата на Демократската партија за претседателските избори, а негов веројатен противник повторно ќе биде Доналд Трамп, што ќе биде прво повторување на изборната трка по речиси 70 години.
![Бајден ја обезбеди номинацијата, на повидок е нова борба против Трамп](https://new.mia.mk/index.php/images/20240313084259_big_730x400_61.webp )
Вашингтон, 13 март 2024 (МИА) - Американскиот претседател Џо Бајден во вторникот освои доволно делегати за да ја обезбеди номинацијата на Демократската партија за претседателските избори, а негов веројатен противник повторно ќе биде Доналд Трамп, што ќе биде прво повторување на изборната трка по речиси 70 години.
На Бајден му беа потребни 1.968 делегати за да ја добие номинацијата, а истражувањето на Edison Research покажа дека тој број е надминат во вторникот вечерта, додека пристигнуваат резултатите од прелиминарните избори во Џорџија, по што оние од Мисисипи, државата Вашингтон, Северномаријанските острови и демократите кои живеат во странство.
Се очекува Трамп да ја добие номинацијата на Републиканската партија, додека прелиминарни избори се одржуваат во четири сојузни држави, вклучително и Џорџија, каде што Трамп се соочува со обвиненија за обид да ги поништи резултатите од изборите во 2020 година.
Резултатот во основа е однапред познат, бидејќи последниот противник на Трамп за републиканската номинација, поранешната амбасадорка на ОН Ники Хејли, се откажа од кампањата кога Трамп победи на 14 од 15 прелиминарни избори во Супер вторникот минатата недела.
На Трамп му беа потребни уште 139 делегати во понеделникот за да ги достигне потребните 1.215 за републиканската номинација, според Едисон Рисрч. Во прашање се уште 161 делегат во Џорџија, Мисисипи, сојузната држава Вашингтон и Хаваи.
И Бајден и Трамп веќе го свртеа своето внимание кон претседателските избори на 5 ноември и одржаа ривалски митинзи во Џорџија во саботата.
На митинг во градот Ромео, Трамп (77) ги повтори своите тврдења дека изборите во 2020 година биле „измама“ и ја обвини обвинителката на округот Фултон, Фани Вилис, дека го гони од политички причини. Тој, исто така, го нападна Бајден дека не го ограничува протокот на мигранти преку јужната граница на САД, прашање на кое планира да се фокусира во кампањата, исто како и во 2020 година.
На митинг во Атланта, 81-годишниот Бајден повтори дека Трамп е опасност за американската демократија и ја критикуваше острата реторика на поранешниот претседател за мигрантите. паг/
Фото: МИА архива