Бајден се уште е позитивен на Ковид
- Бајден „продолжува да се чувствува добро, иако повторно има продуктивна кашлица“, изјави неговиот лекар Кевин О’Конор.
![Бајден се уште е позитивен на Ковид](https://new.mia.mk/index.php/images/20221113192004_big_730x400_86.webp )
Вашингтон, 2 август 2022 (МИА) - Американскиот претседател Џо Бајден денеска се уште е позитивен на Ковид-19, објави неговиот лекар во соопштение од Белата куќа.
Бајден „продолжува да се чувствува добро, иако повторно има продуктивна кашлица“, изјави неговиот лекар Кевин О’Конор. Претседателот „нема треска и е во добра форма“, додаде лекарот.
Претседателот Бајден беше негативен во вторникот и средата минатата недела, а потоа повторно беше позитивен во саботата, иако зема антивирусен лек Паксловид.
Бајден првпат беше позитивен на коронавирусот на 21 јули и имаше благи симптоми на болеста. Тој е вакциниран и примаше лекови. Од 21 до 27 јули беше во изолација. зш/