Бајден: Проценката на вакцината се врши без политичко влијание
- Новоизбраниот претседател Џо Бајден се обиде да внесе доверба во јавноста за вакцината против коронавирусот, која наскоро ќе биде достапна во САД, велејќи дека нејзината безбедност и ефикасно
![Бајден: Проценката на вакцината се врши без политичко влијание](https://new.mia.mk/index.php/images/20221105130016_big_730x400_81.webp )
Вашингтон, 12 декември 2020 (МИА) - Новоизбраниот претседател Џо Бајден се обиде да внесе доверба во јавноста за вакцината против коронавирусот, која наскоро ќе биде достапна во САД, велејќи дека нејзината безбедност и ефикасност се проценуваат без политичко влијание, американските медиуми.
Бајден се огласи по обвинувањата дека администрацијата на сегашниот претседател Доналд Трамп врши притисок врз американската Агенција за храна и лекови (ФДА) итно да ја одобри вакцината.
Тој истакна дека проценката на вакцината на компаниите „Фајзер“ и „Бајонтек“ се прави „без политичко влијание“, пренесува Си-Ен-Ен.
- Сакам да и објаснам на јавноста: Треба да имате доверба во ова. Нема политичко влијание. Тоа се првокласни научници, кои одвојуваат време, кои ги разгледуваат сите елементи што треба да се земат предвид, изјави Бајден.
ФДА соопшти дека набрзо ќе работи на одобрување на итна употреба на вакцината. паг/