Њујорк, 25 мај 2024 (МИА) - Американскиот претседател Џо Бајден во обраќање на воената академија Вест Поинт во државата Њујорк ја нагласи клучната улога на САД во поддршката на сојузниците ширум светот, вклучително и Израел, Украина и Индо-пацифичкиот регион.

Во говорот пред 1.036 дипломирани кадети на американската армија, Бајден ги истакна напорите на неговата администрација за поддршка на активниот и пензионираниот воен персонал.

Бајден ги опиша американските трупи како „работат деноноќно“ за да ја поддржат Украина во нејзините напори да ја одбие руската инвазија повеќе од две години, но ја повтори својата посветеност да ги држи подалеку од линиите на фронтот.

„Ние стоиме цврсто зад Украина и ќе продолжиме да стоиме со нив“, рече Бајден.

Тој, исто така, ја истакна улогата на САД во одбивањето на иранските ракетни напади врз Израел и поддршката на сојузниците во Индо-пацифичкиот регион против „растечкиот кинески милитаризам во регионот“.

„Благодарение на вооружените сили на САД, го правиме она што само Америка може да го направи како незаменлива нација, единствена суперсила во светот“, рече Бајден. паг/

Фото: МИА архива