Бангладеш ги раселува Рохинџите и покрај критиките
Бангладеш оваа недела ќе премести од 2.000 до 3.000 бегалци Рохинџи на оддалечен остров во Бенгалскиот залив и покрај тоа што локацијата е подложна на бури и поплави, изјави поморски офицер.
Дака, 28 јануари 2021 (МИА) - Бангладеш оваа недела ќе премести од 2.000 до 3.000 бегалци Рохинџи на оддалечен остров во Бенгалскиот залив и покрај тоа што локацијата е подложна на бури и поплави, изјави поморски офицер.Од почетокот на декември, Бангладеш расели околу 3.500 бегалци од соседниот Мјанмар на островот Башан Чар од граничните кампови каде милиони бегалци живеат во тешки услови за живот.Рохинџите, муслиманска малцинска група која избега од насилството во Мјанмар со будистичко мнозинство, не смеат да го напуштат островот без владина дозвола.Бангладеш го оправдува преместувањето на луѓето на островот со тврдењата дека преполните бегалски кампови во Кокс Базар доведуваат до зголемување на криминалот.
Акциите на властите во Бангладеш предизвикаа критики од хуманитарните агенции, кои не биле консултирани во претходните трансфери на бегалците. паг/
Mia.mk користи колачиња Ние користиме колачиња за да го подобриме вашето искуство со прелистување, да опслужуваме персонализирани реклами или содржини и да го анализираме нашиот сообраќај. Со кликнување на „Прифати“, се согласувате со нашата употреба на колачиња.
