Минхен, 23.јануари 2026 (МИА) – Повеќекратниот германски првак Баерн Минхен планира во своите редови да донесе уште еден англиски репрезентативец, откако напаѓачот Хари Кејн одлично се снајде во редовите на бундеслигашот. Кејн е еден од подобрите играчи на „баварците“.

Според информациите Баерн е заинтересиран за Трент Александер-Арнолд, откако англискиот репрезентативец не се снајде во редовите на Реал Мадрид. Една од причините се повредите, но и поради конкуренцијата поранешниот играч на Ливерпул не успеа да се избори за стандардно место во првите единаесет.

Според шпанските медиуми Александер-Арнолд е пред заминување од „кралскиот клуб“ каде има договор до летото 2031 година, а неговата процена е дека вреди околу 70 милиони евра. Покрај Баерн, интерес имало и од неколку премиерлигаши за враќање во Англија на фудбалерот. мн/

Фото: ЕПА