Баерн не започна преговори со Левандовски поради Холанд
- Баерн ја следи ситуацијата со напаѓачот на Борусија Дортмунд, Ерлинг Холанд, пишува „Sport Bild“. Според германскиот весник, клубот стапил во контакт со агентот на Норвежанецот, Мино Рајола и
![Баерн не започна преговори со Левандовски поради Холанд](https://new.mia.mk/index.php/images/20221112024444_big_730x400_25.webp )
Минхен, 12 јануари 2022 (МИА) - Баерн ја следи ситуацијата со напаѓачот на Борусија Дортмунд, Ерлинг Холанд, пишува „Sport Bild“. Според германскиот весник, клубот стапил во контакт со агентот на Норвежанецот, Мино Рајола и разговарале за можен трансфер.
Баварците чекаат со потпишување на долгорочен договор со Роберт Левандовски, токму поради Холанд.
Голем број врвни клубови во Европа, исто така, го контактирале Рајола за да разговараат за ситуацијата со норвешкиот репрезентативец.
Фудбалерот постигна 19 гола оваа сезона и имаше пет асистенции на 16 настапи за Борусија. Договорот на напаѓачот со клубот од Дортмунд е до 30 јуни 2024 година.
Порталот „Трансфермаркт“ ја проценува вредност на Холанд на 150 милиони евра. зс/