Баварија размислува за затворање на границите со Австрија
- Германската покраина Баварија размислува да ги затвори своите граници кон Австрија затоа што на тамошните власти не им се допаѓа одлуката на австриската Влада за постепено олеснување на епиде
![Баварија размислува за затворање на границите со Австрија](https://new.mia.mk/index.php/images/20221105201407_big_730x400_74.webp )
Берлин, 9 февруари 2021 (МИА) - Германската покраина Баварија размислува да ги затвори своите граници кон Австрија затоа што на тамошните власти не им се допаѓа одлуката на австриската Влада за постепено олеснување на епидемиолошките мерки.
- Тоа што го прави Австрија е неодговорно, изјави генералниот секретар на ЦСУ, Маркус Блуме, за германските РТЛ и НТВ.
Тој посочи дека Германија е загрижена поради силното ширење на британските и јужноафриканските соеви, особено во австриската провинција Тирол, која се граничи со Баварија.
- Ние нема да дозволиме тој бран да се прошири до нас преку границата.Затоа е добро и важно што граничните контроли сега се засилени, додаде тој.
Блуме посочи дека затворањето на границата е исто така можност, иако, како што рече, само како последно средство.
Претходно, премиерот на Баварија и лидер на ЦСУ, Маркус Зедер спомена затворање на баварската граница со Тирол. паг/