Бабовски учествува на состанок на Советодавниот форум на Европската агенција за безбедност на храната во Прага
- Директорот на Агенција за храна и ветеринарство Николче Бабовски вчера и денеска во Прага, Република Чешка, учествува на 85. состанок на Советодавниот форум на Европската Агенција за безбедно
![Бабовски учествува на состанок на Советодавниот форум на Европската агенција за безбедност на храната во Прага](https://new.mia.mk/index.php/images/20221114013454_big_730x400_32.webp )
Скопје, 26 октомври 2022 (МИА) - Директорот на Агенција за храна и ветеринарство Николче Бабовски вчера и денеска во Прага, Република Чешка, учествува на 85. состанок на Советодавниот форум на Европската агенција за безбедност на храната – EFSA на кој беа разгледани голем број теми од областа на безбедноста на храната и здравствената заштита на животните.
Во фокусот, на Форумот, како што соопштија од Агенцијата за храна и ветеринарство, акцент беше ставен на состојбата со болеста африканска чума кај свињите која е присутна во повеќе европски земји и во регионот, а со која напори за справување вложува и нашава земја.
На Форумот, како што информираат, било разговарано и за можноста за унапредување на методологиите за проценка на ризикот од животната средина, преку формирање на таканаречено партнерство на ЕУ за проценка на ризикот од животната средина, а членките го дефинираа и новиот оперативен план за работа на контакт точките на ЕФСА до 2027 година, информираат од Агенција за храна и ветеринарство. рп/аа/
![Бабовски на состанок во Прага](/articles/images/%d0%b1%d0%b0%d0%b1%d0%be%d0%b2%d1%81%d0%ba%d0%b8-%d1%83%d1%87%d0%b5%d1/1mluT3vEF/placeholder.webp?use_watermark=0)