Ања Тејлор-Џој во претпродолжението на „Лудиот Макс“
- Во петтиот дел од приказната ќе глуми младата и надежна Ања Тејлор-Џој како Фуриоза, т.е. помлада верзија на ликот на Шарлиз Терон од филмот што излезе 2015 година и освои шест „Оскари“.
![Ања Тејлор-Џој во претпродолжението на „Лудиот Макс“](https://new.mia.mk/index.php/images/20221113162311_big_730x400_99.webp )
Лос Анџелес, 21 јуни 2022 (МИА) - Се појавија првите слики од претстојното претпродолжение на „Лудиот Макс“ под наслов „Фуриоза“, нудејќи им на обожавателите повторно поглед кон пусти земји со пост-апокалиптични постројки и возила својствени за овој серијал филмови.
Во петтиот дел од приказната ќе глуми младата и надежна Ања Тејлор-Џој како Фуриоза, т.е. помлада верзија на ликот на Шарлиз Терон од филмот што излезе 2015 година и освои шест „Оскари“. Актерот од Тор, Крис Хемсворт, исто така се приклучи на новиот проект, како главниот негативец...
Режисерот Џорџ Милер, кој го пишува и сценариото заедно со Ник Латурис, во неодамнешното интервју не откри многу подробности за филмот.
- Сѐ што можам да кажам за мојата возбуда и тоа што сега го правам е дека тоа е дефинитивно возбудливо, бидејќи иако секако е од светот на „Лудиот Макс“, има и многу разлики за кои зборуваме. Повторно, тоа е уникатно. И веројатно најголемата разлика е времето на приказната. „Лудиот Макс“ се случува во тек на три дена и две ноќи, а ова (новата приказна, б.п.) опфаќа распон од 15 години. Значи, тоа е вистиска сага, појасни тој.
„Фуриоза“ се снима во Австралија и треба да се појави во кината на 24 мај 2024 година. си/сд/
![Фуриоса](/articles/images/%d0%b0%d1%9a%d0%b0-%d1%82%d0%b5%d1%98%d0%bb%d0%be%d1%80-%d1%9f%d0%be%d/dmLpZEkhZ/placeholder.webp?use_watermark=0)