Ајатолахот Хамнеи вети одмазда кон Израел за убиството на Ханија
- „Сметаме дека е наша должност да го одмаздиме Ханија, кој беше драг гостин во нашата земја“, рече Хамнеи во изјавата на неговата веб-страница.
![Ајатолахот Хамнеи вети одмазда кон Израел за убиството на Ханија](https://new.mia.mk/index.php/images/20240731115225_big_730x400_5.webp )
Бејрут, 31 јули 2024 (МИА) – Иранскиот врховен верски лидер, ајатолахот Али Хамнеи, денеска вети дека ќе му се одмазди на Израел за убиството на лидерот на Хамас, Исмаил Ханија.
Хамнеи рече дека Израел треба да се подготви за „строга казна“ бидејќи лидерот на Хамас беше убиен во израелски воздушен напад врз неговата резиденција во Техеран рано утринава.
„Сметаме дека е наша должност да го одмаздиме Ханија, кој беше драг гостин во нашата земја“, рече Хамнеи во изјавата на неговата веб-страница.
Иранскиот претседател Масуд Пазешкијан претходно денеска, исто така, го осуди убиството на Ханија и рече дека Иран ќе го брани својот територијален интегритет.
Убиството на највисокиот политички лидер на Хамас може да има далекусежни последици. Убиството на Ханија во Техеран може да предизвика директна иранска одмазда против Израел, а Хамас може да се повлече од преговорите за прекин на огнот и договор за ослободување на заложниците, за кои американските посредници рекоа дека е постигнат напредок. сд/
фото:МИА архива