Универзитетот ФОН доделува 20 стипендии за припадниците на ромската заедница
- По повод Меѓународниот ден на Ромите, Американскиот универзитет на Европа – ФОН доделува 20 стипендии на припадници од ромската заедница, од кои 10 стипендии за додипломски студии во времетраење од четири години и 10 стипендии за постдипломски студии.
![Универзитетот ФОН доделува 20 стипендии за припадниците на ромската заедница](https://new.mia.mk/index.php/images/20230408154203_big_730x400_49.webp )
Скопје, 8 април 2023 (МИА) - По повод Меѓународниот ден на Ромите, Американскиот универзитет на Европа – ФОН доделува 20 стипендии на припадници од ромската заедница, од кои 10 стипендии за додипломски студии во времетраење од четири години и 10 стипендии за постдипломски студии.
Сите заинтересирани кандидати за стипендии од АУЕ – ФОН можат да аплицираат со испраќање на биографија или CV на info@fon.edu.mk или пак за повеќе информации да се обратат на телефонскиот број 070/345-999.
Американскиот универзитет на Европа – ФОН по повод одбележувањето на Меѓународниот ден на Ромите упатува честитка до сите припадници на ромската заедница во земјава. - Меѓународниот ден на Ромите е можност за сите нас да ја славиме ромската култура и да ја подигнеме свеста за проблемите со кои се соочуваат денес, се вели во соопштението. мд/аа/
Фото: МИА