Манчестер, 8 декември 2024 (МИА) - Спортскиот директор на Манчестер јунајтед Ден Ешворт ја напушти функцијата помалку од шест месеци откако беше назначен објави „The Athletic“.

Ешворт официјално му се приклучи на Јунајтед на 1 јули, откако претходно имаше слична улога во Њукасл.

Соопштено е дека заминувањето на Англичанецот било договорено на состанокот со генералниот директор на клубот Омар Берада по вчерашниот натпреварот од 15. коло од Премиер лигата со Нотингем Форест (2:3). 

Ешворт беше одговорен за перформансите на тимот, како и за одлуката да се обнови договорот на поранешниот главен тренер Ерик тен Хаг.

Функционерот беше одговорен и за големите трошења на летото, во кои беа вклучени трансферите на Лени Јоро, Мануел Угарте, Матијс де Лихт, Нусаир Мазрауи и Џошуа Зиркзи, вредни околу 200 милиони фунти.

По 15 натпревари, Манчестер јунајтед е на 13. место во поредокот на англискиот шампионат, со 19 бодови. зс/

Фото: ЕПА