Атаман повторно селектор на турските кошаркари
- Актуелниот тренер на Ефес Анадолу, Ергин Атаман, вторпат во кариерата е назначен за селектор на кошаркарската репрезентација на Турција, јавија денеска локалните медиуми.
![Атаман повторно селектор на турските кошаркари](https://new.mia.mk/index.php/images/20221113111832_big_730x400_19.webp )
Истанбул, 16 април 2022 (МИА) – Актуелниот тренер на Ефес Анадолу, Ергин Атаман, вторпат во кариерата е назначен за селектор на кошаркарската репрезентација на Турција, јавија денеска локалните медиуми.
Во својот прв селекторски мандат, 56-годишниот Атаман ја предводеше Турција од 2014 до 2016 година, а овојпат, како што самиот најави, ќе се обиде да ги освои сите можни медали кои стојат пред него и неговата репрезентација.
- Многу сум амбициозен и сакам да ги освојам сите трофеи, без разлика која екипа или репрезентација ја предводам. Дојдов на оваа позиција за да освојам медали на Европското и Светското првенство, како и на Олимпијадата, порача Атаман, кој минатата сезона со Ефес ја освои титулата во Евролигата и воедно беше прогласен за најдобар тренер во елитното европско клупско натпреварување. ег/паг/