Артета за 2:2 со Баерн: Ова е Лига на шампиони, грешките овде се казнуваат
- Тренерот на Арсенал, Микел Артета ги критикуваше своите фудбалери по ремито со Баерн.
![Артета за 2:2 со Баерн: Ова е Лига на шампиони, грешките овде се казнуваат](https://new.mia.mk/index.php/images/20240410075941_big_730x400_99.webp )
Лондон, 10 април 2024 (МИА) - Тренерот на Арсенал, Микел Артета ги критикуваше своите фудбалери по ремито со Баерн.
„Топчиите“ синоќа во Лондон одиграа 2:2 со Баварците во првиот четвртфинален натпревар во Лигата на шампионите.
- Почнавме добро, доминиравме и не им дозволивме на нашите противници да направат ништо. Постигнавме многу добар гол, но веднаш потоа ситуацијата се промени. Им ја препуштивме контролата над топката на противниците и тие постигнаа гол. Атипичен беше и вториот гол. Ова обично не го дозволуваме. Ова е Лига на шампиони, тука се казнуваат грешките. Одигравме под нашите стандарди на многу начини. Тие добија премногу простор и кога Баерн тргнува во напад тие се многу опасни. Но и при резултат 1:2 бевме прибрани, се трудевме да го најдеме нашиот ритам и не избрзувавме. Верувам дека можеме да победиме на гости и да се пласираме во следната рунда. Треба добро да се подготвиме, изјави Артета за веб-страницата на УЕФА.
Реваншот ќе се игра на 17 април, во Минхен. зс/
Фото: ЕПА