Армијата во Буркина Фасо уби повеќе од 100 осомничени терористи
- Исламистичките милитанти беа совладани во две операции во петокот на северот на земјата во близина на границите со Мали и Нигер, соопшти денеска Армијата во соопштение прочитано на државната телевизија.
![Армијата во Буркина Фасо уби повеќе од 100 осомничени терористи](https://new.mia.mk/index.php/images/20230902202547_big_730x400_68.webp )
Уагадугу, 2 септември 2023 (МИА) - Армијата во западноафриканската земја Буркина Фасо соопшти дека убила повеќе од 100 осомничени терористи, јави ДПА.
-Исламистичките милитанти беа совладани во две операции во петокот на северот на земјата во близина на границите со Мали и Нигер, соопшти денеска Армијата во соопштение прочитано на државната телевизија.
Според соопштението, безбедносните сили уништиле возила на терористите и заплениле опрема и дрога. Во операцијата загинаа и петмина припадници на безбедносните сили.
Повеќе од два милиони луѓе се раселени во земјата како резултат на немирите. мс/
фото: МИА архива