Мадрид, 15 декември 2024 (МИА) - Тренерот Карло Анчелоти е оптимист за сезоната на шпанскиот фудбалски клуб Реал Мадрид и покрај низата грешки и ремито 3-3 против Рајо Ваљекано во саботата. Така, тимот од Мадрид остана на второто место во генералниот пласман со бод заостанување од вечниот ривал Барселона.

-Гледам напред кон 2025 година и гледам позитивна година, но може да грешам. Во моментов сме во добра форма и покажуваме желба и ентузијазам. Сè уште сме во игра за секој трофеј за кој се бориме од почетокот на сезоната. Се справивме добро и покрај повредите. На мечот со Рајо бевме без многу стартери и ќе бидеме многу подобри кога тие ќе се вратат во игра, истакна Италијанецот на пресот по мечот.

Дефанзивците Дани Карвахал и Едер Милитао ќе бидат надвор од терените уште неколку месеци поради повреди на коленото, додека Давид Алаба допрва ќе дебитира поради повреда која долго ја лекува.

Напаѓачот Килијан Мбапе, дефанзивецот Ферланд Менди и играчот од средниот ред Едуардо Камавинга се со полесни повреди. дс

Фото: Архива