Анкета: Половина од Грците ќе ја примат вакцината против Ковид-19
- Еден од двајца Грци, односно 52,1 отсто сигурно или веројатно ќе се вакцинираат против Ковид-19, додека 64 отсто од анкетираните велат дека мерките воведени од Владата се неефективни, според
![Анкета: Половина од Грците ќе ја примат вакцината против Ковид-19](https://new.mia.mk/index.php/images/20221105115103_big_730x400_62.webp )
Атина, 26 ноември 2020 (МИА) – Еден од двајца Грци, односно 52,1 отсто сигурно или веројатно ќе се вакцинираат против Ковид-19, додека 64 отсто од анкетираните велат дека мерките воведени од Владата се неефективни, според истражувањето на јавното мислење спроведено од агенцијата „MRB“ за грчката телевизија „Стар“, јави дописничката на МИА од Атина.
За основните причини за вториот бран, 48,4 отсто смета дека тоа е туризмот, односно увезените случаи на коронавирусот, 42,8 проценти рекле дека причината е непослушноста на конкретни групи граѓани, 39,6 отсто јавниот превоз, 29,6 проценти како причина ги посочиле кафулињата, клубовите и угостителските објекти, а 24,6 проценти велат дека мерките биле задоцнето донесени.
Сепак, половина од анкетираните сметаат дека Грција подобро се справува со вториот бран на пандемијата, споредбено со други земји.
Речиси седум од десет Грци, односно 67,7 проценти одговориле дека коронавирусот се пренесува со причестувањето во црквите.
На политичката сцена, владејачката Нова демократија, според резултатите од истражувањето, е во предност од 15,9 проценти во однос на опозициската СИРИЗА, а потоа следат Движење на промена, Комунистичката партија, Грчко решение и МЕРА25. ср/сд/
![анкета грција причини втор бран](/articles/images/anketa-polovina-od-grcite-e-a-primat-vakcinata-protiv-kovid-19/TadzneqbG/placeholder.webp?use_watermark=0)
![анкета грција партии](/articles/images/anketa-polovina-od-grcite-e-a-primat-vakcinata-protiv-kovid-19/YjE6XhoXr/placeholder.webp?use_watermark=0)