Манчестер, 13 ноември 2024 (МИА) - Новиот менаџер на Манчестер Јунајтед, Рубен Аморим ќе се ослободи од напаѓачот Џошуа Зиркзе, тврди „Тутоспорт“.

Зиркзе пристигна од Болоња за околу 37 милиони фунти на крајот на летото и потпиша договор за 5 сезони.

На 11 натпревари постигна само еден гол, а најчесто влегува од клупата за резерви.

Италијанското издание додава дека „црвените ѓаволи“ се подготвени да се разделат со играчот веќе во јануари и чекаат понуди за него.

Се верува дека Јувентус размислува за опција да го доведе на позајмица, но во секој случај изгледа дека играчот нема иднина на „Олд Трафорд“. дс

Фото: Принтскрин