Американците Гершкович и Вилан се вклучени во размената на затвореници меѓу Истокот и Западот
- Дописникот на Волстрит џурнал, Еван Гершкович и поранешниот американски маринец Пол Вилан се меѓу 26-те затвореници од САД, Русија, Германија, Полска, Словенија, Норвешка и Белорусија кои денеска ќе бидат ослободени во голема размена на притворени лица меѓу Истокот и Западот, соопшти турското претседателство.
![Американците Гершкович и Вилан се вклучени во размената на затвореници меѓу Истокот и Западот](https://new.mia.mk/index.php/images/20240801175152_big_730x400_5.webp )
Анкара, 1 август 2024 (МИА) - Дописникот на Волстрит џурнал, Еван Гершкович и поранешниот американски маринец Пол Вилан се меѓу 26-те затвореници од САД, Русија, Германија, Полска, Словенија, Норвешка и Белорусија кои денеска ќе бидат ослободени во голема размена на притворени лица меѓу Истокот и Западот, соопшти турското претседателство.
Оттаму посочија дека десет затвореници, меѓу кои две малолетни лица, биле префрлени во Русија, 13 во Германија и тројца во САД.
Турските разузнавачи соопштија дека ја координираат големата размена на затвореници, поради знаците за големи предавања на затвореници меѓу Русија и Белорусија од една страна и западните земји како САД и Германија од друга страна.
-Нашата организација презеде сериозна посредничка улога во оваа операција за размена, која сама по себе е најголема во последниве години, објави турската Национална разузнавачка организација (МИТ).
И Кремљ и Белата куќа одбија да коментираат. мс/
фото: МИА архива