Американскиот рапер Тревис Скот уапсен поради тепачка во Париз
- Раперската ѕвезда, чие вистинско име е Жак Бермон Вебстер II, има две деца со познатата американска „џетсетерка“ Кајли Џенер.
![Американскиот рапер Тревис Скот уапсен поради тепачка во Париз](https://new.mia.mk/index.php/images/20240809125315_big_730x400_16.webp )
Париз, 9 авгyст 2024 (МИА) - Американскиот рапер Тревис Скот, откако присуствувал на полуфиналето во кошарка за мажи на Олимпијадата вчеравечер, денеска е уапсен поради тепачка во хотел со пет ѕвезди во француската престолнина, соопштија надлежните.
„Полицијата била повикана во хотелот 'Жорж V' и Тревис Скот е приведен за насилство врз член на обезбедувањето. Вториов интервенирал за да го одвои раперот од неговиот телохранител“, соопшти полицијата во Париз.
Засега не е познато дали 33-годишниот музичар е задржан во притвор.
Раперската ѕвезда, чие вистинско име е Жак Бермон Вебстер II, има две деца со познатата американска „џетсетерка“ Кајли Џенер. Неговиот албум „Utopia“ беше номиниран за најдобар рап-албум на овогодишните „Греми“ награди. Скот бил уапсен и во Мајами Бич, САД, во јуни поради неовластено влегување и високо ниво на недозволени супстанции во него. си/
Фото: ЕПА