Американскиот новинар Гершкович останува во притвор во Русија, судот ја одби неговата жалба
- Новинарот на „Волстрит журнал“ Иван Гершкович, кој беше затворен во Русија под обвинение за шпионажа, останува во притвор бидејќи Градскиот суд во Москва, каде што е притворен, денеска ја одби неговата жалба.
![Американскиот новинар Гершкович останува во притвор во Русија, судот ја одби неговата жалба](https://new.mia.mk/index.php/images/20231214135727_big_730x400_96.webp )
Москва, 14 декември 2023 (МИА) - Новинарот на „Волстрит журнал“ Иван Гершкович, кој беше затворен во Русија под обвинение за шпионажа, останува во притвор бидејќи Градскиот суд во Москва, каде што е притворен, денеска ја одби неговата жалба.
Гершкович беше уапсен во март додека известуваше од градот Екатеринбург, а руската Федерална служба за безбедност (ФСБ) тврди дека тој „под инструкции на Соединетите Американски Држави собирал информации што претставуваат државна тајна за активностите на едно од претпријатијата на руски воено-индустриски комплекс“.
Гершкович е првиот американски новинар обвинет за шпионажа во Русија од 1986 година, кога КГБ го уапси Николас Данилоф, московскиот дописник на американскиот „Њуз и ворлд репорт“. паг/
Фото: МИА архива