Ал Шабаб нападна воени бази во Сомалија
- Милитантната исламистичка група Ал Шабаб рано утрово нападна две воени бази на сомалиската армија, јавија светските агенции повикувајќи се на сведоци и изјави на милитантите.
![Ал Шабаб нападна воени бази во Сомалија](https://new.mia.mk/index.php/images/20221107010026_big_730x400_86.webp )
Могадишу, 3 април 2021 (МИА) – Милитантната исламистичка група Ал Шабаб рано утрово нападна две воени бази на сомалиската армија, јавија светските агенции повикувајќи се на сведоци и изјави на милитантите.
Според очевидци, две експлозии се слушнале од базите кои се наоѓаат на околу 100 километри југозападно од главниот град Могадишу.
Се слушнала и трета експлозија, а по нападот воен конвој се движел кон базите.
За сега нема официјални информации за евентуални жртви. јт/