Алиу: Се планира законско решение за порталите и сите електронски комуникации
- На прашање дали станува збор само за Тик-ток, тој одговори дека се работи за сите социјални мрежи.
![Алиу: Се планира законско решение за порталите и сите електронски комуникации](https://new.mia.mk/index.php/images/20230516130434_big_730x400_73.webp )
Скопје, 16 мај 2023 (МИА) - Имаме работна група каде што се анализираат сите процеси врз основа на активностите што ги имаат граѓаните, но и учениците во нашата држава. Многу кратко ќе излеземе со анализи и со решенија врз основа на тоа. Исто така, сакам да информирам дека ние како држава, планираме да креираме и законско решение, каде ќе ги ставиме и порталите и сите електронски комуникации и трансформација на процесите во дигитална форма да имаат законско решение. Вака одговори денеска министерот за информатичко општество и администрација Азир Алиу, на новинарско прашање дали имало средба со министерот за образование и што е утврдено околу користењето на социјалните мрежи.
На прашање дали станува збор само за Тик-ток, тој одговори дека се работи за сите социјални мрежи.
- Исто, времето поминато пред дигитални уреди ќе треба да се анализира. Знаете дека младите исто така и образовните институции мора да воведеме екстракурикуларни активности во коишто сите ученици, наставници и родители ќе бидат информирани за социјалните мрежи, дигиталните содржини и употреба на дигиталните уреди, подвлече министерот.
Министерот за информатичко општество и администрација Азир Алиу и министерот за внатрешни работи Оливер Спасовски денеска го промовираа е-државјанство. бд/нд/
Фото: МИА