Алиоски: Треба да веруваме во себе и да одиграме на високо ниво
- Македонската фудбалска репрезентација ги продолжува подготовките за контролните натпревари против Финска и Азербејџан.
![Алиоски: Треба да веруваме во себе и да одиграме на високо ниво](https://new.mia.mk/index.php/images/20221128061636_big_730x400_71.webp )
Скопје, 15 ноември 2022 (МИА) - Македонската фудбалска репрезентација ги продолжува подготовките за контролните натпревари против Финска и Азербејџан.
Нашиот репрезентативец, Езѓан Алиоски смета дека иако натпреварите се пријателски ќе се обидеме да ги добиеме.
- Треба да веруваме во себе и да одиграме на високо ниво. Почит за фудбалерите кои дојдоа да ги одиграат овие два натпревари, затоа што не е лесно после голем број клупски мечеви да се остане на топ ниво. Овие пријателски натпревари сакаме да ги добиеме, без разлика што не се за бодови. Важно е да нема повреди. Со добри резултати одиме напред. Без разлика на ранкингот, нема фаворити. Секогаш треба да сме на ниво, истакна Алиоски.
Середбите ќе се одиграат на 17 и 20 ноември на Националната арена „Тодор Проески“ во Скопје. зс/