Барселона, 1 април 2025 (МИА) - Поранешниот фудбалер на Барселона, Јувентус и Бразил, Дани Алвеш има право на паричен надоместок за 405-те дена поминати во затвор, пренесува „Marca“.

Износот на уплатата би можел да биде 20 илјади евра.

Ова стана возможно откако шпанскиот Врховен суд ја укина првичната пресуда за случајот за силување. Сега Бразилецот може да бара компензација за, според него, незаконскиот притвор.

Дополнително, Алвеш има намера да инкасира два милиони евра од Пумас за предвремен раскин на договорот. Доколку судот го ослободи од обвинение, раскинувањето на договорот ќе се смета за неоправдано.

Алвеш претходно беше осуден на 4,5 години затвор поради обвинение за силување, но случајот повторно сега се разгледува. зс/

Фото: ЕПА