Активен пожарот кај Бељаковце
- Пожарот во поширокиот кумановски регион е активен во атарот на село Бељаковце и се разгорува поради ветерот, соопшти директорот на Центарот за управување со кризи Стојанче Ангелов. Дел од пожарот не е изгаснат.
![Активен пожарот кај Бељаковце](https://new.mia.mk/index.php/images/20230905203620_big_730x400_33.webp )
Куманово, 5 септември 2023 (МИА) - Пожарот во поширокиот кумановски регион е активен во атарот на село Бељаковце и се разгорува поради ветерот, соопшти директорот на Центарот за управување со кризи Стојанче Ангелов. Дел од пожарот не е изгаснат.
- И покрај дејствувањето на полицискиот хеликоптер кој се повлече поради тоа што веќе не се гледа. Ќе се обидеме со пожарникари да се пробиеме и да го изгаснеме, но не сум оптимист, изјави Ангелов.
И во липковско Ваксинце има два пожари во кои е зафатена поголема површина.
Пожарот кој попладнево избувна во Руѓинце се префрли во Бељаковце. Зафатена е поголема површина на стрништа, сува трева, шума, изгоре помошен објект и напуштена куќа. Покрај хеликоптерот на МВР, пожарот го гасеше Ер трактор на Дирекција за заштита и спасување како и противпожарни екипи на неколку општини, Старо Нагоричане, Куманово, Кратово и Ранковце.ам/свс
Фото: МИА архива
видео: фејсбук Стојанче Ангелов