Аеродромот Схипхол најави мерки за сузбивање на бучавата
- Аеродромот Схипхол во Амстердам најави намалување на бучавата до крајот на 20254 година, што предвидува и откажување на приватни и ноќни летови
![Аеродромот Схипхол најави мерки за сузбивање на бучавата](https://new.mia.mk/index.php/images/20230404120535_big_730x400_32.webp )
Хаг, 4 април 2023 (МИА) – Аеродромот Схипхол во Амстердам најави намалување на бучавата до крајот на 20254 година, што предвидува и откажување на приватни и ноќни летови.
Од аеродромот најавија дека сакаат да ги прекинат сите ноќни и приватните летови најдоцна до крајот на 2025 година, а исто така планира постепено да ги укине бучните авиони како што е Боинг 747.
Холандската национална авиокомпанија КЛМ соопшти дека е изненадена од одлуката на аеродромот Схипхол во Амстердам за намалување на бучавата.
КЛМ, чијшто матичен аеродром е Схипхол, објави дека претпочитале таквите мерки да беа преземени по консултации.
- Како сектор, би сакале заеднички да осмислиме дополнителни мерки за намалување на емисиите на ЦО2 и бучавата. Заедно можеме да дојдеме до алтернатива која ќе има широка поддршка од сите страни и од тие причини е ефикасна, се наведува во соопштението на КЛМ. ми/