Автобусите на 1 Мај ќе сообраќаат по неделен возен ред
- Поради Меѓународниот ден на трудот – 1 Мај, в понеделник автобусите од јавниот превоз ќе сообраќаат по неделен возен ред.
![Автобусите на 1 Мај ќе сообраќаат по неделен возен ред](https://new.mia.mk/index.php/images/20230428143514_big_730x400_87.webp )
Скопје, 1 Мај 2023 (МИА) - Поради Меѓународниот ден на трудот – 1 Мај, в понеделник автобусите од јавниот превоз ќе сообраќаат по неделен возен ред.
Билетарниците и центрите за персонализација на 1 Мај нема да работат, информира ЈСП „Скопје“.
Жичарницата на 1 Мај ќе работи од 10 до 20 часот, исто и во вторник.
Од ЈСП „Скопје“ потсетуваат дека од мај жичарницата ќе работи два часа повеќе од изминатиов период, односно од 10 до 20 часот, согласно одлуката за работно време на жичарницата за период мај - септември.
Во период од 19 - 19.30 часот е последното возење во правец од долу нагоре, а во 19.45 часот е последното возење од Водно. мд/сп/
Фото: МИА архива