Австрија одигра уште еден натпревар без да постигне гол
- Првиот противник на македонската фудбалска репрезентација на претстојното Европско првенство, селекцијата на Австрија, одигра 0:0 во денешниот пријателски натпревар со Словачка.
![Австрија одигра уште еден натпревар без да постигне гол](https://new.mia.mk/index.php/images/20221107122111_big_730x400_13.webp )
Виена, 6 јуни 2021 (МИА) – Првиот противник на македонската фудбалска репрезентација на претстојното Европско првенство, селекцијата на Австрија, одигра 0:0 во денешниот пријателски натпревар со Словачка.
Австријците на домашен терен не успеаја да постигнат погодок, исто како пред неколку дена кога загубија на гостувањето во Англија со 1:0.
На дуелот со Словачка, австриската репрезентација играше со состав: Бахман, Улмер, Алаба (Шауб, 46), Хинтерегер, Линхарт, Тримел (Пош, 78), Забицер (Лајмер, 46), Лазаро (Грегорич, 78), Грилих, Баумгартнер (Илзанкер, 54), Калајџиќ (Арнаутовиќ) , 64).
На Евро 2020, Австријците покрај со Македонија (13 јуни) ќе игра и со репрезентациите на Украина и Холандија.
Словаците ќе се сретнат со Шпанија, Шведска и Полска. зс/