Авионот што се урна минатата недела во Папуа Нова Гвинеја превезувал половина тон кокаин
- Малиот авион што минатата недела полета за Австралија и набрзо по полетувањето се урна во Папуа Нова Гвинеја, носел повеќе од 500 килограи кокаин, соопштија денеска австралиските власти
![Авионот што се урна минатата недела во Папуа Нова Гвинеја превезувал половина тон кокаин](https://new.mia.mk/index.php/images/20221104163032_big_730x400_30.webp )
Мелбурн, 1 август 2020 (МИА) - Малиот авион што минатата недела полета за Австралија и набрзо по полетувањето се урна во Папуа Нова Гвинеја, носел повеќе од 500 килограи кокаин, соопштија денеска австралиските власти.
Полицијата на Австралија и на Папуа Нова Гвинеја соопштија дека пронашле 28 пакети кокаин на повеќе локации и уапсени се пет лица осомничени за илегална трговија со дрога. Тие се членови на криминална група од Мелбурн, која наводно е поврзана со италијанскиот организиран криминал. Осомничените можат да бидат осудени на доживотна казна затвор.
Вредноста на пронајдениот кокаин се проценува на 57 милиони австралиски долари. ми/