Авганистанците во САД ќе добијат привремен заштитен статус за период од 18 месеци
- Авганистанските граѓани кои живеат во САД со истечени визи ќе добијат привремен заштитен статус за 18 месеци поради се уште небезбедните услови во нивната земја, објави Министерството за внат
![Авганистанците во САД ќе добијат привремен заштитен статус за период од 18 месеци](https://new.mia.mk/index.php/images/20221112150606_big_730x400_9.webp )
Вашингтон, 16 март 2022 (МИА) - Авганистанските граѓани кои живеат во САД со истечени визи ќе добијат привремен заштитен статус за 18 месеци поради се уште небезбедните услови во нивната земја, објави Министерството за внатрешна безбедност на САД.
„Оваа ознака TPS (Temporary Protected Status) ќе помогне да се заштитат авганистанските државјани кои веќе живееле во САД од враќање во небезбедни услови“, рече секретарот за внатрешна безбедност Алехандро Мајоркас.
Статусот ќе биде достапен за 72.500 Авганистанци кои влегле на она што е познато како „хуманитарна условна слобода“.
Ознаката TPS, исто така, ќе опфати околу 2.000 Авганистанци кои влегле во СAД со студентски, работни и туристички визи и повеќе не можат да се вратат во својата земја по преземањето на васта на талибанците во август. аа/