Абидал отпуштен од Барселона
- Французинот ја има оваа позиција од 2018 година. Во минатата сезона, тој ја изгуби довербата од играчите заради некои од неговите изјави.
![Абидал отпуштен од Барселона](https://new.mia.mk/index.php/images/20221104180837_big_730x400_16.webp )
Барселона, 18 август 2020 (МИА) - Раководството на Барселона, како што се очекуваше, го отпушти спортскиот директор Ерик Абидал, соопштија од „Камп Ноу“.
Французинот ја има оваа позиција од 2018 година. Во минатата сезона, тој ја изгуби довербата од играчите заради некои од неговите изјави.
Неговите одлуки за трансфери, исто така, беа сериозно критикувани.
Поранешниот дефанзивец на Барса заминува преку задниот влез, но неговата замена сè уште не е позната.
Ова е втора одлука на Управниот одбор во последните 24 часа по разрешувањето на тренерот Кике Сетиен.