„Абарт“ претстави специјална, ограничена верзија на „фиќо“
- Новиот автомобил е обоен во зелено, има предна решетка и лого на „Абарт“, карбонска шасија позајмена од спортскиот „Алфа Ромео 4Ц“, фарови и цврста покривна плоча којашто го заменува платнени
![„Абарт“ претстави специјална, ограничена верзија на „фиќо“](https://new.mia.mk/index.php/images/20221128065200_big_730x400_86.webp )
Милано, 21 ноември 2022 (МИА) - Италијанската патека Монца ја прославува 100-годишнината на фирмата за заштита на автомобилски брендови - „Стелантис херитиџ“, со специјална комеморација на „фиќото“ којшто постави голем број рекорди на ова легендарно место и ја популаризираше марката „Абарт“.
„Абарт класиче 500 рекорд Монца '58“ е специјален автомобил заснован на „Фиат 500“ од 1970 година, но приспособен за да изгледа како првиот модел модифициран од „Абарт“, којшто собори шест рекорди за брзина и издржливост во февруари 1958., на старата конфигурација на патеката. Новиот автомобил е обоен во зелено, има предна решетка и лого на „Абарт“, карбонска шасија позајмена од спортскиот „Алфа Ромео 4Ц“, фарови и цврста покривна плоча којашто го заменува платнениот покрив. Сепак, репликата е доста убедлива, внатре со волан од дрво, посовремена контролната табла, а поставено е само едно спортско седиште.
Позади има двоцилиндричен мотор со работна зафатнина зголемена на 595 кубика, што развива повеќе од 18 коњски сили и брзина над 98 км/ч, а е блиску до 26 КС и 118 км/ч постигнати од рекордерот од 1958 година.
Новиот автомобил е изложен на саемот „Автокласика“ во Милано, Италија. „Абарт“ ќе произведе вкупно шест примероци. си/
![фиат-02](/articles/images/d0b0d0b1d0b0d180d182-d0bfd180d0b5d182d181d182d0b0d0b2d0b8-d181d0bfd0b5/AtMXWb4gz/placeholder.webp?use_watermark=0)
![фиат-01](/articles/images/d0b0d0b1d0b0d180d182-d0bfd180d0b5d182d181d182d0b0d0b2d0b8-d181d0bfd0b5/yY7mrs5D7/placeholder.webp?use_watermark=0)