Во недела посебен режим на сообраќај во Скопје
- Поради одржување на меѓународна ноќна атлетска трка насловена како „Низ улиците на Скопје 2023“, во недела (12 ноември) ќе има посебен режим на сообраќајот по улиците во централното подрачје во Скопје.
![Во недела посебен режим на сообраќај во Скопје](https://new.mia.mk/index.php/images/20231110134334_big_730x400_83.webp )
Скопје, 10 ноември 2023 (МИА) - Поради одржување на меѓународна ноќна атлетска трка насловена како „Низ улиците на Скопје 2023“, во недела (12 ноември) ќе има посебен режим на сообраќајот по улиците во централното подрачје во Скопје.
-Трката ќе се одвива со траса на движење од „Порта Македонија“, плоштад „Македонија“, ул.„Никола Вапцаров“, па лево по ул.„Димитрие Чуповски“, потоа десно по ул.„11 Октомври“, лево по ул.„Филип Втори Македонски“, повторно лево по пристапната улица на ГТЦ и десно до целта кај „Порта Македонија“ во Скопје, информира денеска Министерството за внатрешни работи.
Од тие причини, од страна на Единицата за безбедност на патниот сообраќај, сообраќајот ќе се пренасочува по околните сообраќајници. За таа цел МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката. дма/са/
Фото:МИА архива