Струга, 20 јануари 2026 (МИА) - Стружанец со 2,28 промили алкохол во крвта го нарушил јавниот ред и мир и бил приведен од полициски службеници во ОВР Струга.

СВР Охрид денеска соопшти дека лицето биле приведено 10 минути по полноќ на улицата „ЈНА“ во Струга.

- Во 00 часот и 10 минути на улицата „ЈНА“ во Струга, полициски службеници од ОВР Струга го лишија од слобода М.Д.(35) затоа што претходно во зграда на истата улица го нарушил јавниот ред и мир со агресивно и непристојно однесување. По извршено алкотестирање кај него се констатирани 2,28 промили алкохол во крвта, информира портпаролот Стефан Димоски.

По целосно документирање на настанот, против лицдето ќе биде поднесена соодветна пријава. сс/вј/

Фото: МИА архива