Санкт Петербург, 25 октомври 2024 (МИА) - Четири лица се хоспитализирани со повреди откако маж со нож ги нападнал во хипермаркет на „Булеварот на астронаутите“ во московската област Санкт Петербург.

Осомничениот е приведен, соопшти во градот прес-службата на Истражниот комитет на Русија.

„Според прелиминарните податоци, напаѓачот денеска ги нападнал посетителите и ги избодел со нож во просториите на продавницата „Океј“ на „Булеварот на астронаутите“. Четири жртви со повреди од различен степен на сериозност се примени во болница, каде им била укажана медицинска помош. Осомничениот е приведен на местото на злосторството“, се вели во соопштението.

Тројца од повредените се во тешка состојба.

Според официјалниот претставник на руското Министерство за внатрешни работи, Ирина Волк, приведениот напаѓач - 44-годишен локален жител, е приведен во полициската управа за процесни дејствија. Мотивите за неговите постапки се во процес на утврдување.

Руска новинска агенција објави дека дека и напаѓачот бил хоспитализиран, без да ги прецизира причините за тоа. рп/

Фото: ЕПА