Три лица од исто семејство нападнати во Ѓорче Петров
- Три лица од исто семејство синоќа биле нападнати во скопската општина Ѓорче Петров.
![Три лица од исто семејство нападнати во Ѓорче Петров](https://new.mia.mk/images/20240831170559_big_730x400_48.webp )
Скопје, 31 август 2024 (МИА) - Три лица од исто семејство синоќа биле нападнати во скопската општина Ѓорче Петров.
Како што се информира МВР, Т.М.(26) од Скопје утрово, во 00:18 часот, во СВР Скопје пријавила дека околу 23:45 часот нејзиниот сопруг А.М.(24) телефонски ја известил дека на подрачјето на Ѓорче Петров бил физички нападнат од неколку лица.
Според пријавеното, откако таа, нејзиниот свекор Т.М. и нивен роднина отишле на местото, лицата физички ја нападнале неа и нејзиниот свекор.
Од МВР информираат дека преземаат мерки за расчистување на случајот. мд/бак/
Фото: МИА архива