Скопје, 17 март 2026 (МИА) - Комисијата за прашања на изборите и именувањата денеска ќе ги разгледува двете пријави за јавниот оглас за именување претседател на Регулаторната комисија за енергетика, водни услуги и услуги за управување со комунален отпад на Република Северна Македонија. 

Според информациите на МИА, на огласот се пријавиле Ацо Ристов, поранешен градоначалник на Радовиш и Шамил Реџепи, вработен во РКЕ.   

Оглас за претседател на РКЕ беше објавен откога Марко Бислимоски поднесе оставка, но функцијата ќе ја извршува до изборот на нов прв човек на Комисијата. 

Во согласност со Законот за енергетиката, по разгледување на пријавите, Комисијата за прашања на изборите и именувањата му предлага на Собранието предлог-кандидат за именување на претседател на Регулаторната комисија за енергетика. 

Претседател на РКЕ се очекува да биде избран на пленарната седница закажана в среда. ев/са/ 

ФОТО: Архива