Скопје, 4 февруари 2026 (МИА) - Министерот за одбрана Владо Мисајловски, на покана на министерката за одбрана на Кралството Шпанија, Маргарита Роблес Фернандес, денеска и утре ќе присуствува на отворањето на третиот глобален меѓународен Самит за вештачка интелигенција во областа на одбраната - REAIM, кој оваа година се одржува во Ла Коруња, Шпанија.

Меѓународниот самит е во организација на министерствата за одбрана и за надворешни работи на Шпанија. 

Како што информираат од Министерството за одбрана, за време на престојот во Шпанија предвидено е Мисајловски да оствари средба со министерката Фернандес со цел унапредување на билатералната одбранбена соработка.

REAIM е глобален меѓународен самит, каде што високи претставници на држави, меѓународни организации, експерти од академската заедница, приватниот сектор и граѓанското општество се состануваат за да разговараат како вештачката интелигенција (ВИ) да се развива и да се користи во воени цели на начин што ги поддржува меѓународниот мир и безбедноста. фф/мд/

Фото: МИА Архива