Министерот Минчев на средба со претставници на Меѓународниот републикански институт (ИРИ)
- Министерот за јавна администрација Горан Минчев денеска одржа состанок со претставници на Меѓународниот републикански институт (ИРИ) на кој се разговараше за тековната и идна соработка насочена кон зајакнување на демократското владеење и реформата на јавната администрација, информираат од Министерството за јавна администрација.
![Министерот Минчев на средба со претставници на Меѓународниот републикански институт (ИРИ)](https://new.mia.mk/images/20240725134210_big_730x400_77.webp )
Скопје, 25 јули 2024 (МИА) - Министерот за јавна администрација Горан Минчев денеска одржа состанок со претставници на Меѓународниот републикански институт (ИРИ) на кој се разговараше за тековната и идна соработка насочена кон зајакнување на демократското владеење и реформата на јавната администрација, информираат од Министерството за јавна администрација.
На состанокот фокус бил ставен на неколку клучни области, вклучително и зајакнување на транспарентноста, отчетноста и посветеноста за поттикнување на поинклузивен и поефективен систем на јавна администрација.
Министерот Минчев ја истакнал важноста на меѓународната соработка за постигнување на овие цели.
- Нашето партнерство со ИРИ е од клучно значење за спроведување на најдобрите практики во јавната администрација. Посветени сме да работиме заедно за да создадеме потранспарентна и поодговорна институција во интерес на нашите граѓани, рекол Минчев.
Претставниците на ИРИ ги претставиле нивните тековни програми и истакнаа ентузијазам за континуирана соработка со Министерството.
-Ја поздравуваме посветеноста на Министерството за јавна администрација за унапредување на демократските принципи и заложбите за промовирање на демократското владеење и реформите во јавниот сектор, посочила Илина Мангова, регионална советничка за Европа на ИРИ. сст/ев/
фото Министерств за јавна администрација