Министерот Андоновски на богослужба и на собир со македонската заедница во Словенија
- Министерот за дигитална трансформација Стефан Андоновски денеска присуствуваше на богослужба во македонската црква „Св. Климент Охридски“ во Љубљана, каде заедно со македонските иселеници го одбележа празникот Успение на Пресвета Богородица и го истакна значењето на православната вера.
![Министерот Андоновски на богослужба и на собир со македонската заедница во Словенија](https://new.mia.mk/images/20240901145811_big_730x400_10.webp )
Скопје, 1 септември 2024 (МИА) - Министерот за дигитална трансформација Стефан Андоновски денеска присуствуваше на богослужба во македонската црква „Св. Климент Охридски“ во Љубљана, каде заедно со македонските иселеници го одбележа празникот Успение на Пресвета Богородица и го истакна значењето на православната вера.
Како што информира Кабинетот на министерот за дигитална трансформација, Андоновски учествувал и на Богородичниот собир во организација на Македонското културно друштво „Св. Кирил и Методиј“ од Крањ, каде се сретнал со бројни македонски граѓани и заедно ги споделиле македонските традиции и обичаи.
- Со македонските иселеници, Андоновски разговараше за нивните искуства и предизвици со кои се соочуваат во дијаспората. Изрази задоволство од одличната организираност на македонската заедница во Словенија, која продолжува да биде важен столб на македонскиот културен и духовен живот во оваа земја, се наведува во соопштението. мд/са/
Фото: Министерство за дигитална трансформација