Делчево, 26 ноември 2024 (МИА) - Во Делчево во тек е новогодишното украсување на градот. Поставувањето на овие новогодишни реквизити, како што соопшти градоначалникот на Општината, Горан Трајковски, имаат за цел да го оплеменат градскиот парк и обликуваат во новогодишно руво.

- На тој начин украсите кои се поставуваат ја збогатуваат новогодишната атмосфера во Делчево нудејќи содржина повеќе за убави фотографии, посебно за најмладите, истакна Трајковски.

Апелираше да не се уништува урбаната опрема, како и новогодишните светилки и реквизити.

- Со нивно оштетување се уништуваат јавни добра купени со буџетски сретства на Општина Делчево, а покрај материјалната штета, лицата кои ги уништуваат новогодишните свтелечки украси кои се под висок напон, се изложуваат на ризик по сопственото здравје и живот, додаде Трајковски.

Целта е, нагласи тој, сите заедно одговорно да придонесат и да го чуваат општото добро, со што ќе овозможат децата да уживаат во новогодишната магија. вс/цр

Фото: МИА